- Advertisement -
A Axencia Galega de Emerxencias (Axega) incorporou drons á procura dun octoxenario en Friol, desaparecido desde o pasado domingo.
Segundo informa o 112, a Unidade de Drons foi solicitada pola Garda Civil para incorporarse ao operativo do home, que permanece en paradoiro descoñecido desde a mañá do domingo, no lugar do Manxadoiro, na parroquia de Carballo.
O dispositivo está a ser coordinado pola Garda Civil e tamén interveñen os efectivos do GES de Friol-Pas e os voluntarios de Protección Civil de Friol, Lugo e Palas de Rei.
