InicioSociedadeAnpas de Lugo denuncian "recortes" de profesorado en municipios da Montaña como...

Anpas de Lugo denuncian “recortes” de profesorado en municipios da Montaña como Cervantes

PUBLICADA O

- Advertisement -

Asociacións de nais e pais de Lugo, agrupadas na federación Fapacel, denunciaron este xoves “recortes” en profesorado para o próximo curso na zona da Montaña da provincia. A presidenta de Fapacel, Isabel Calvete, puxo o exemplo do colexio de Cervantes, onde pedían unha “profesora especialista de Infantil e un profesor de Primaria, porque a que había, especialista en Educación Física, pediu o traslado”.

“Solicitabamos eses dous profesores porque son necesarios, falamos de todo o ensino de infantil e primaria. A día de hoxe, o que sabemos é que probablemente teñamos especialista en Infantil pero non en Primaria”, queixouse.

Calvete asegurou que “isto aboca o colexio a unha situación delicada porque se fala, para todos os cursos de Primaria, de só un profesor fixo e doutro que fai as funcións de director, co cal non vai poder estar a tempo completo”.

“Os colexios do rural, da Montaña neste caso, van sufrir recortes”, manifestou a presidenta de Fapacel, quen espera que, no caso do centro de Cervantes, os pais e nais non opten por levar os seus fillos a outros colexios da zona.

Isabel Calvete concluíu que, “sen profesores, é imposible ter calidade” no ensino, polo que empraza a “pensar nun plan alternativo para o ensino no rural, un plan específico rural que teña en conta os dereitos dos nenos e non teña en conta o número de alumnos“.

En Cervantes son 31 os alumnos cos que se conta no colexio para o curso próximo, de idades comprendidas entre os 3 e os 16 anos.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...