O goberno da Deputación de Lugo fixo este venres un “balance positivo”, a pesar da pandemia e a guerra de Ucraína, do tres anos do actual goberno bipartito conformado por socialistas e nacionalistas.
A portavoz socialista, Pilar García Porto, destacou que “foron tres anos de traballos intensos, dos que fai un “balance positivo” a pesar das dificultades que tiveron que atravesar.
“Neste tempo recuperamos a normalidade para a institución en canto á imaxe, pero tamén en canto ao seu funcionamento baixo unha fórmula que conta con tres elementos básicos”, sinalou.
Así, sostivo que no goberno ten ben definido que responde as necesidades e aproveita as potencialidades da provincia; leva un ritmo de execución “constante e elevado” e traballa todos os días para “sacar adiante unha política de feitos consumados que mellore a vida dos veciños”.
Ademais, puntualizou que a acción política “xira ao redor” de varias “liñas de actuación prioritarias” marcadas polo presidente, José Tomé, como son as políticas sociais, ás que destina “máis dun terzo do orzamento provincial, sobre 34 millóns”.
As outras actuacións pasan por “a cooperación cos concellos” que, segundo indicou, “é a auténtica razón de ser desta institución”. Ademais, “como liña estratéxica o apoio aos sectores produtivos, sobre todo ao sector primario e ao turístico.
Pilar García Porto tamén se referiu ao traballo de oposición do PP, ao que afeou o seu “inacción”. Ademais, censurou “o castigo ao que somete a Xunta á provincia”.
Así, Porto acusou á oposición de “carecer dun proxecto para a provincia de Lugo” e sostivo que “o Partido Popular limítase a facer un seguidismo das políticas da Xunta, que o limitan a unha postura pasiva, sumisa e apartada da realidade”.
“Os recortes de médicos e profesores, os peches de colexios, o desmantelamento da industria na Mariña, por citar só uns exemplos, foron moitas veces debatidos en pleno e son situacións ante as cales o PP pecha os ollos e cala a boca”, reprendeu.
Pilar García Porto lembrou que o luns 18 de xullo, “cúmprense tres anos desde o inicio do actual mandato, cando o presidente e deputados provinciais tomaban posesión ese 18 de xullo de 2019”.
INVESTIMENTO DE 300.000 EUROS
Pilar García Porto tamén anunciou que a institución provincial destinará 300.000 euros a subvencione a entidades asociativas en réxime de concorrencia competitiva.
En concreto, trátase de axudas que se inclúen no programa para a dotación e mellora de servizos comunitarios, unha liña dotada con 300.000 euros para que asociacións da provincia poidan executar obras para mellorar o seu medio e que se centrarán especialmente no medio rural.
Segundo indicou, son un total de 55 as asociacións beneficiadas, que poderán facer actuacións importantes como a mellora e a adecuación do firme; sinalización de vías públicas comunais; realizar tamén obras de acondicionamento e reforma de locais nos que habitualmente desenvolven as súas actividades sociais, así como mellorar as infraestruturas de subministración de auga ou para adquirir equipamentos que lles resulten necesarios”.
Na mesma xunta de goberno aprobouse a “adhesión” da Deputación de Lugo ao “protocolo xeral de actuación da SociedadMercantil Estatal para a xestión da Innovación e as Tecnoloxías turísticas Seguittur”.
Con isto perséguese “a promoción e o impulso da provincia de Lugo como un destino turístico “intelixente”. “Un traballo que se realiza co obxectivo de asesorar e poder apoiar aos concellos no seu ámbito territorial”, precisou finalmente a tamén deputada de Turismo, Pilar García Porto.
