InicioLugo e contornaLugoO Concello de Lugo investirá máis dun millón de euros no arranxo...

O Concello de Lugo investirá máis dun millón de euros no arranxo do novo auditorio para “abrilo con seguridade”

O concello pretende abrir "canto antes" o proceso de licitación das obras para pór o auditorio "ao servizo da cidadanía, canto antes, nunhas condicións óptimas e de máxima seguridade e funcionalidade".

PUBLICADA O

- Advertisement -

A alcaldesa de Lugo, Lara Méndez, presentou este martes o proxecto de execución do novo auditorio, que recolle as obras que desenvolverá a administración local para abrir o edificio “con garantías de seguridade” e para as que achegará máis dun millón de euros.

Segundo trasladou o concello, con este investimento preténdese “arranxar as deficiencias e danos que presenta o edificio derivadas dos seus problemas estruturais e das deficiencias construtivas”, pero “tamén da falta de mantemento por parte da Xunta” desde que finalizou a súa execución, en abril do ano 2016, e “ata que o concello recibiuno a finais de xuño do 2020”.

En todo caso, tras unha última avaliación, Lara Méndez, avanzou que o investimento municipal para poder abrir o novo auditorio ascenderá a máis dun millón de euros, algo que, na súa opinión, “supón unha burla para a cidadanía de Lugo”.

Así mesmo, a alcaldesa lembrou que no momento da recepción, o concello tentara entregar á Xunta os informes dos técnicos municipais onde xa se sinalaban algunhas deficiencias advertidas nas “dúas únicas visitas que lles deixaron realizar previamente”.

Naquel momento, continuou, calculaba que o investimento municipal ascendería a máis de 300.000 euros pero, segundo indicou, cando recepcionaron o inmoble, atopáronse con “unha deterioración maior, con que a Xunta non realizara as probas dos equipamentos nin o mantemento do inmoble, ademais de con todas as garantías caducadas”.

Así, o consistorio municipal comunicou que o proxecto abarcará actuacións “encamiñadas a reparar os numerosos danos que presenta o inmoble”, pero tamén “os problemas estruturais e deficiencias construtivas”. Sobre isto, Méndez detallou que se trata das causadas por humidades procedentes do exterior, que afectan as cubertas, fachadas, estruturas, carpintaría exterior, revestimentos interiores e pavimentos.

Por outra banda, levarán a cabo a urbanización do exterior do auditorio, con actuacións como reconducir o acceso cara á fachada principal. O concello pretende abrir “canto antes” o proceso de licitación das obras para pór o auditorio “ao servizo da cidadanía, canto antes, nunhas condicións óptimas e de máxima seguridade e funcionalidade”.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...