A Consellería de Sanidade realizará un cribado no centro de día do Corgo tras detectarse contaxios por covid-19, segundo informaron a Europa Press desde o departamento autonómico de Política Social, que xestiona estas instalacións. “Hai algún caso, non son moitos”, dixeron, descartando que haxa un “brote masivo”. Por este motivo, indicaron que se fará un cribado, aínda que insistiron en que “a inmensa maioría” de usuarios e traballadores están “ben”.
“Leves ou asintomáticos”, precisaron en relación á situación no centro e tanto de usuarios como de traballadores destas instalacións. No mesmo, segundo apuntaron desde Política Social, hai prazas para 35 usuarios, mentres que o número de empregados, con “algún caso” de covid ascende a 18 persoas.
