Axentes da Policía Nacional detivo este luns ao home acusado de violar á súa compañeira de piso o pasado domingo na cidade de Lugo. O individuo permanecía buscado desde o domingo, cando a suposta vítima, de nacionalidade estranxeira, denunciou os feitos en comisaría.

A muller chamou á primeira hora da mañá ao 112 para pedir axuda. Aseguraba ser vítima dunha agresión sexual cometida polo seu compañeiro de piso e ter dificultades para lembrar o acontencido.

Ademais de mobilizar unha ambulancia, a central de emerxencias informou do sucedido á Policía Nacional, que se trasladou á vivenda onde residía a vítima e o suposto agresor, situada na contorna da catedral.

Desde ese momento iniciouse un operativo para dar co paradoiro do home, que foi localizado e detido na mañá deste luns. A investigación está baixo segredo de sumario.