A Policía Local de Lugo localizou a dúas nenas de 10 e 12 anos no interior dunha fonte na que, segundo manifestaron as menores, metéronse para facerse fotos e subilas a redes sociais.
Segundo relatou a Policía Local de Lugo, sobre as 21,15 horas do pasado venres 11 de febreiro unha patrulla da Unidade Territorial de Policía de Barrio observou no xardín que bordea a fonte da praza Fonte do Rei varias pezas de vestir e dous pares de zapatos tirados na herba.
Os axentes, así mesmo, viron no interior da fonte a dúas nenas de 10 e 12 anos descalzas e cos pantalóns mollados, quen manifestaron que se introduciron na fonte para sacar fotos e subilas a redes sociais.
Os axentes localizaron aos pais das menores, que manifestaron que deixaran ir ás nenas ao parque da Praza Matías Bernal e, ao non velas, “estaban preocupados buscándoas”, puntualizan as mesmas fontes municipais, tras o que foron entregadas polos policías e quedaron ao coidado da súa familia.
