O curandeiro ao que a nai da acusada do crime da nena Desirée lévoa supostamente para tratar os seus pensamentos persecutorios explicou este mércores que a muller presentaba “un cadro normal de falta de soño e ansiedade”, pero que nunca lle falou de que ouvise voces ou outro tipo de cuestión deste tipo. O home declarou na Audiencia Provincial de Lugo na terceira sesión do xuízo polo asasinato da pequena, de sete anos, ocorrido en maio de 2019 na vivenda na que residía coa súa nai e a súa avoa en Muimenta.
Segundo o seu relato, a acusada acudiu “unha ou dúas veces” á súa consulta por “un cadro normal de falta de sono e ansiedade”, algo que non considerou nada fóra do normal. De feito, destacou, “víaa máis ou menos feliz” e “pendente da nena”. O curandeiro recomendoulle que “fixese deporte” e “fose ao balneario”, así como “algunhas técnicas de meditación”. “Non o fixo, non lle pareceu de interese ou collería algunha outra terapia”, destacou.
Por outra banda, tamén declarou a directora do colexio no que estudaba a menor, que explicou que non observou “ningún cambio” na actitude de Desirée antes dos feitos e definiu á acusada como unha nai “normal”. A directora si explicou que, dous días antes do crime, a nena non acudiu a unha excursión á que estaba apuntada e, cando chamou á súa nai para preguntarlle, esta dixo que “non ía ir porque lle doía a barriga”.
Please wait while you are redirected...or Click Here if you do not want to wait.
