InicioSociedadeDetidos dous ocupas reclamados por un xulgado tras denunciar unha veciña a...

Detidos dous ocupas reclamados por un xulgado tras denunciar unha veciña a ocupación dunha das súas vivendas en Lugo

A Policía destaca que os mozos manifestaron "que tiñan Covid para evitar ser" arrestados

PUBLICADA O

- Advertisement -

Axentes da Policía Nacional adscritos á Comisaría Provincial de Lugo detiveron na tarde deste xoves a un home e unha muller ocupas que tiñan unha reclamación xudicial dun xulgado de Vilalba despois de denunciar unha veciña a ocupación dunha das súas vivendas na capital luguesa.

Segundo informou a Policía Nacional, a detención produciuse despois de que na mañá deste pasado xoves unha veciña do Sacro Corazón denunciase a ocupación dunha das súas vivendas na rúa Adolfo Suárez. Por iso, indicativos de Radiopatrullas dirixíronse ao lugar.

Unha vez alí, os policías comprobaron como a vivenda estaba ocupada por dúas persoas, unha muller e un home de 20 anos e 24, respectivamente, que unha vez identificadas constáballes unha reclamación xudicial por un xulgado de Vilalba.

COVID

As mesmas fontes policiais detallaron que entraran no piso pola mañá, o cal estaba “en plenas condicións para ser habitado”, e os mozos ocupas manifestaron “que tiñan Covid para evitar ser detidos”.

Finalmente, por todo iso foron detidos e trasladados á Comisaría da Policía Nacional en Lugo, onde ingresaron en calabozos á espera de ser postos a disposición xudicial.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...