InicioEconomíaA Deputación de Lugo continuará a ampliación da estrada de Pedrafita a...

A Deputación de Lugo continuará a ampliación da estrada de Pedrafita a Seoane do Courel

A portavoz socialista do goberno da Deputación de Lugo, Pilar García Porto, indicou que"este investimento vai contribuír a avanzar cara ao reequilibrio territorial que resulta imprescindible para o futuro do noso rural".

PUBLICADA O

- Advertisement -

A portavoz socialista do goberno da Deputación de Lugo, Pilar García Porto, anunciou que o próximo ano “estará totalmente renovada e ampliada” a estrada que une Pedrafita do Cebreiro con Seoane, no concello de Folgoso do Courel.

Porto asegurou que se trata dunha “estrada importante, para estes dous municipios porque vai beneficiar aos veciños dos mesmos e tamén a toda” esa comarca da montaña de Lugo.

“Cando estean concluídas a totalidade das obras desa estrada no tres tramos distintos, desde a Deputación investiriamos case un millón de euros”, concretou na rolda de prensa celebrada tras a reunión da xunta de goberno.

Segundo indicou, “este investimento vai contribuír a avanzar cara ao reequilibrio territorial que resulta imprescindible para o futuro do noso rural, mellorando a mobilidade dos veciños da zona e de todos os que se acheguen a calquera destes dous concellos”.

Un anuncio que trasladaba logo de informar, previamente, de “a adxudicación da obra que se corresponde cos traballos de ensanche e mellora dun novo tramo desta estrada” entre Pedrafita e Seoane do Courel.

Trátase da estrada provincial LU-P-1301, e neste caso, para ese tramo, o “importe son case 300.000 euros”, que vai desde o punto quilométrico 8,6 ao 10,7. “Estas actuacións contemplan ampliación da estrada pasando do actuais catro metros de ancho, ata chegar aos 5,5, e tamén se van facer tarefas de drenaxe, afirmado, pavimentación e sinalización horizontal e vertical”, debullou.

Así mesmo, Pilar García Porto avanzou a firma de “un convenio de colaboración co concello da Pobra do Brollón, para acondicionar o segundo piso do edificio multiusos municipal para un albergue de 36 prazas por algo máis de 120 mil euros, en dúas anualidades”.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...