O Concello de Lugo abriu unha investigación para “esclarecer” as causas da vertedura de lixo que un camión descargou nun solar da zona de Abella que, segundo apuntou a veciñanza.
Segundo informou o tenente de alcaldesa e concelleira de Medio Ambiente, Miguel Fernández, “desde o mesmo momento en que tiveron coñecemento da situación”, ordenaron á empresa adxudicataria, Urbaser, a retirada dos restos, así como a limpeza da zona afectada, “petición que foi atendida de inmediato”.
“Entendemos que feitos como estes, que atentan contra a salubridade urbana e preocupan e causan molestias á veciñanza, deben ser atallados de inmediato e sancionados”, explicou. É por este motivo que Lugo pediu tamén a Urbaser que “pida responsabilidades a quen corresponda” e adopte “as medidas necesarias para que non volva ocorrer”.
A área de Medio Ambiente remarcou ademais que a zona “está agora en perfectas condicións” e pediu desculpas á veciñanza polas molestias.
