InicioSucesosTres detidos por actuar como comerciantes dunha empresa de seguridade para facer...

Tres detidos por actuar como comerciantes dunha empresa de seguridade para facer contratacións fraudulentas

Trátase de tres veciños das localidades lucenses de Rábade, Baamonte e Lugo capital que actuban na Terra Chá, Lugo e Lemos.

PUBLICADA O

- Advertisement -

A Garda Civil detivo, no marco da ‘Operación Ansedy’, a tres veciños das localidades lucenses de Rábade, Baamonte e Lugo capital, de 46, 36 e 34 anos de idade como presuntos autores dos delitos de pertenza a grupo criminal, estafa, usurpación de estado civil e falsificación de documento mercantil. Actuaban como comerciantes dunha empresa de seguridade para facer contratacións e instalacións fraudulentas.

Segundo informou o Instituto Armado, esta banda realizaba contratacións fraudulentas de sistemas de alarmas en vivendas e locais comerciais en localidades da provincia lucense, como Lugo, Sarria, Meira, Guitiriz, Baamonde, Vilalba, Monforte de Lemos, Pol, Guntín, Bóveda, Begonte e Outeiro de Rei, “todo iso amparándose no marco da actividade laboral que desenvolvían para unha empresa do sector da seguridade con cobertura en todo o territorio nacional”, matiza.

Os feitos delituosos foron cometidos entre outubro de 2016 e xaneiro de 2018, período no cal se detectaron “multitude de prexudicados”, destaca a Benemérita, do que nalgún caso decatábanse ao serlle denegada a concesión de créditos por estar inscritos na ASNEF (Lista de Morosos) pola falta de pagamento das cotas por servizos de alarma que nunca contratara.

A investigación dos ilícitos penais conduciu aos axentes ata os presuntos autores, os cales “valéndose da súa condición de operarios/comerciais de empresa de seguridade, e actuando coordinadamente e mediante distribución de tarefas, obtiñan datos de supostos clientes, para realizar contratacións ficticias”, concretan as mesmas fontes, coa finalidade de acceder a distintas bonificacións coas que a empresa de seguridade compensaba aos seus empregados. Así, chegaban a obter entre os integrantes do grupo criminal unha elevada contía económica.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...