O presidente da Deputación de Lugo, José Tomé Roca, presentou este venres o proxecto do Centro de Atención a Maiores que se construirá en Pantón.
O acto, no que estivo acompañado do rexedor, José Luís Álvarez Blanco, celebrouse na Casa da Cultura e continuou cunha visita á parcela na que edificará esta dotación, na rúa Ourense.
Tomé Roca incidiu en que a residencia “terá grandes beneficios” tanto para os veciños como “para toda a comarca” e destacou que se trata dunha das accións “máis importantes” que se fixeron neste municipio.
O centro contará cunha provisión de prazas de entre 30 e 39 en función da ocupación que estarán distribuídas en 18 habitacións, adaptadas a persoas con mobilidade reducida.