O presidente da Asociación Provincial de Empresarios de Hostalaría de Lugo, Cheché Real, viaxou a Madrid para apoiar e acompañar os sete compañeiros de Pontevedra que iniciaron unha camiñada reivindicativa para pedir o “rescate do sector”. Alí, Real aproveitou para pór de manifesto unha vez máis as problemáticas ás que se enfrontan e anunciou a campaña ‘Regálale, regálate’.

“Toda a hostalaría está nunha situación absolutamente ao límite”, alertou. Por iso, a nova acción da Apehl promove que “as empresas poidan regalar aos seus empregados tiques de estancia en hoteis e casas rurais ou ceas e comidas en diferentes establecementos da provincia a elixir”.

“Non queremos que este ano haxa cenas masivas de empresas nos nosos establecementos, porque sabemos que o imos pagar nós. Somos o único sector que está aquí sacrificado e sabemos que se iso sucedese, logo acarrearía novos peches de todo o sector”, declarou.