Unha sesión de interpretación con máis de 150 artistas. Así homenaxeará a Festa do Jazz Galego de Lugo ó “máis grande artistas de todos os tempos” do xénero, Charlie Parker. A singular cita, que reunirá a máis de 150 artistas galegas, terá lugar o vindeiro domingo á unha da tarde na lucense Praza de Santa María, nas escalinatas do Pazo Episcopal.
A multitudinaria reunión vén organizada da man de Escobi, a Asociación de Amigos do Jazz, que tamén concibe a xuntanza como un xeito de reivindicar os 30 anos de historia do festival de jazz máis lonxevo de Galicia e a calidade dos seus intérpretes. Neste aspecto, cómpre destacar que -de acordo cos organizadores- o proxecto será a maior jam session da historia en España, tanto por número de intérpretes como por horas de desenvolvemento.
- Advertisement -
Dende as 13 horas e até ben entrada a tarde (17:00) nas escalinatas do Pazo Episcopal de Lugo, máis de 150 artistas irán subindo a un escenario que contará con todas as medidas de seguridade e salubridade necesarias, ao igual que o espazo reservado para o público. Pero a organización ten claro que, nestes tempos, é imprescindible apostar polo dixital, polo que o concerto poderá seguirse integramente online a través das redes sociais.
Máis de 4 horas de jazz en directo, interpretado por artistas galegos -150 dos preto de 225 censados como tales-, que pasarán a formar parte da historia musical ao transformarse na maior jam session celebrada en España
