InicioSociedadeOs okupas "espállanse con total liberdade" por Lugo, segundo denuncian asociacións de...

Os okupas “espállanse con total liberdade” por Lugo, segundo denuncian asociacións de veciños

Piden castigar con penas de prisión os condenados: "actualmente decláranse insolventes e non pagan as multas".

PUBLICADA O

- Advertisement -

O conflito dos okupas, de actualidade nas últimas semanas, chega á cidade de Lugo. A Federación Provincial de Asociacións de Veciños vén de lanzar un comunicando alertando do “espallamento con total liberdade” destes grupos no que ademais pide un endurecemento da lexislación para “garantir a seguridade” da cidadanía.

No documento, que califica a okupación de “ilegalidade permitida”, lamenta que “un ano e medio despois” da conformación dunha mesa redonda con distintos axentes sociais na cidade lucense “todo siga igual”. Neste aspecto, lamentan que a lexislación “non cambie” para favorecer ós “débiles propietarios, aos que se lles ‘expropiou’ con ilegalidade o seu propio domicilio ou os seus bens con total impunidade”.

Neste aspecto, a Federación afirma que tomará “medidas de presión” contra “quen permita isto desde o punto de vista político ou de xestión” para conseguir un cambio “importante” na lexislación actual. En concreto, as asociacións de veciños chaman a tramitar esta transformación “por vía de urxencia” e rematar coas penas de multa como “delito leve” para instalar a prisión como castigo á práctica da okupación. “As persoas condenadas decláranse insolventes e non pagan nin os danos provocados”.

As demandas da Federación ás autoridades pasan por contar con máis man dura contra a okupación, seguindo a estela lexislativa de países como Alemania e Francia; que, segundo destacan, si aplican esas penas de prisión. De xeito paralelo, esixen ás autoridades que leven a cabo as reformas precisas para acelerar os trámites de desaloxo -falan de “24 horas” para resolver o problema- e que impidan que as persoas condenandas por okupar unha vivenda ou inmoble “non continúen percibindo a RISGA nin a Renda Básica”. “Lugo ten que seguir sendo unha cidade segura, moderna e tranquila”, conclúen.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...