InicioMedioambiente e PatrimonioOs verquidos da Garaballa levan a Daniel Piñeiro aos xulgados

Os verquidos da Garaballa levan a Daniel Piñeiro aos xulgados

O Partido Popular pedirá a reprobación do edil, mentres que o Concello considera resolto o problema das verteduras coas medidas xa adoptadas

PUBLICADA O

- Advertisement -

Os verquidos de augas residuais ao río Rato levarán ao concelleiro Daniel Piñeiro ao xulgado. O responsable de Desenvolvemento Sostible de Lugo terá que declarar por un posible delito leve contra os recursos naturais, debido á situación do pozo de tormentas da Garaballa. Malia que o Bloque Nacionalista Galego levou este asunto perante a Valedora do Pobo, e o Partido Popular pedirá a reprobación do edil socialista, o goberno local considera que o problema resolverase coas medidas xa adoptadas.

A polémica polas verteduras de augas fecais ao río intensificouse logo das tormentas da primavera, aínda que levaba anos sendo obxecto de debate na corporación. Na cerna da discusión, o estado do pozo de tormentas da Garaballa, sen mantemento por mor do contrato da xestión das augas, caducado e aínda sen renovar. Foron os nacionalistas quenes levaron o caso ao Seprona e a Confederación Hidrográfica, resultando en pequenas sancións económicas ao Concello.

Debido á dilación na resolución deste problema de verquidos no río Rato, o BNG acudiu á Valedora do Pobo, que ata o de hoxe non se pronunciou o respecto. Quen si o fixo foi a Fiscalía de Medio Ambiente, conforme aos informes elaborados polos organismos da Xunta. Con todo, a citación xudicial chega despois de que o executivo que dirixe Lara Méndez decidira intervir e xestionar directamente o pozo de tormentas.

Mediado o mes de maio, os técnicos municipais realizaron unha revisión na zona da vertedura. A instalación da Garaballa foi limpada e desbrozada, e posta de novo en funcionamento. Segundo explicou entón o voceiro municipal, Miguel Fernández, os últimos episodios non estarían vencellados ao pozo de tormentas, polo que os responsables de mantemento comprobaron se existian atascos nos túneis. A hipótese é que unha treboada saturou o sistema de evacuación, pero polo de agora non haberá máis actuacións. A solución definitiva, din dende o Concello, pasa polos pregos de contrato da Estación Depuradora de Augas Residuais (EDAR), que están “moi avanzados” e teñen tratamento “prioritario”

Posto que a discusión tivo sempre coma escenario a Comisión de Infraestruturas, eido que dirixe Manuel Núñez, resulta sorprendente que a instrucción do caso cite a Daniel Piñeiro, que nunca tivo atribucións sobre o pozo de tormentas. O Partido Popular pedirá a súa reprobación no vindeiro pleno de xullo, enmarcando esta solicitude na situación dos contratos de xestión das augas, a estación depuradora e a concesión da Fábrica da Luz.

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...