InicioSucesosDenunciado por deixar saír só ao seu can en Lugo e por...

Denunciado por deixar saír só ao seu can en Lugo e por non mantelo en “condicións adecuadas”

Axentes da Policía Local observaron que o animal presentaba unha hernia perineal, polo que lle pediron ao dono que o levase de inmediato ao Hospital Veterinario, onde quedou ingresado para unha intervención cirúrxica.

PUBLICADA O

- Advertisement -

Axentes da Unidade Territorial de Policía de Barrio da Policía Local de Lugo denunciaron a un veciño deste municipio por deixar saír só ao seu can á rúa, a pesar de estar permitido sacalo no marco do estado de alarma, e non mantelo en “condicións hixiénico-sanitarias adecuadas”.

Segundo relatou a Policía Local, o pasado 10 de abril, axentes procederon a levantar acta-denuncia ao dono dun can “por non adoptar as medidas necesarias para impedir que o animal poida acceder libremente á vía pública” e non mantelo en “condicións hixiénico-sanitarias adecuadas nin presentar a documentación” do mesmo.

Os feitos, explicaron as mesmas fontes policiais, ocorreron cando unha patrulla detectou nunha zona axardinada da cidade “un can solto e sen control” de raza Bulldog Francés, sen que estivese presente o propietario ou responsable do animal.

INTERVENCIÓN CIRÚRXICA 

Os axentes localizaron á persoa responsable do can no interior do seu domicilio, quen alegou que o deixaba saír á rúa sen custodia pola situación de crise sanitaria. Os policías lembráronlle que esa actividade “está autorizada”.

Ademais, observaron que o can presentaba “unha hernia perineal”, polo que requiriron ao responsable que o trasladase ao Hospital Veterinario para a súa “inmediata atención”. A Policía Local ratificou que o animal quedou ingresado para unha intervención cirúrxica.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...