InicioSociedadeUnha empresa lucense desenvolve dous kits rápidos para a detección do COVID-19

Unha empresa lucense desenvolve dous kits rápidos para a detección do COVID-19

Un deses test podería ser utilizado por calquera persoa nas súas casas, xa que non require coñecementos técnicos.

PUBLICADA O

- Advertisement -

A compañía biotecnolóxica lucense AMSlab, a través da súa matriz ASMsciencie, está a traballar no desenvolvemento de dous kits rápidos para a detección do COVID-19.

Na actual situación, o laboratorio lucense puxo os seus medios a disposición da sanidade española e, tras estudar distintas vías de investigación e a súa capacidade produtiva, puxo en marcha varios proxectos que se centran no deseño de sistemas de diagnóstico rápido e desenvolvemento de novos materiais para a fabricación de Equipos de Protección Individual (EPI).

Con iso, ‘Xenotechs’ -laboratorio especializado en bioloxía molecular- e o produtor CIFGA desenvolven dous kits baseados en análises xenéticas. Un deles estaría pensado para o seu uso en laboratorios, mentres que o outro, un kit de detección rápido por colorimetría que se podería utilizar en calquera condición, estaría destinado para centros de atención primaria, asistenciais e residencias.

Este último kit, explican os seus responsables, podería ser empregado por calquera persoa, dado que non é necesario ter coñecementos técnicos nin equipamento para interpretalo.

SEGUIMENTO E EQUIPOS DE PROTECCIÓN

Outra liña de investigación recae en AMSbiopharma, que está a traballar para explorar o uso do estudo a gran escala das proteínas para poder realizar un seguimento do tratamento a pacientes positivos en COVID-19.

Por último, e coa intención de facer fronte ao actual problema de abastecemento de Equipos de Protección Individual (EPI), AMSlab investiga sobre un novo tecido lavable a alta temperatura que permitiría unha completa desinfección, para alongar a vida útil da máscara.

ÚLTIMAS

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...

Declaran extinguido o incendio da Fonsagrada tras queimar 65 hectáreas

O incendio do municipio lugués da Fonsagrada quedou extinguido na tarde...

Greenfiber quere mostrar a empresarios de Lugo a achega de Altri á economía local

A sede da Confederación de Empresarios de Lugo (CEL) e Cámara de Comercio de...

A muller de Lugo que denunciou á súa ex parella declara que tentaba forzala “todas as noites”

A Audiencia Provincial de Lugo acolleu este xoves o xuízo contra un home de...