InicioSociedadeO bus urbano de Lugo será gratuíto e reducirá a súa capacidade

O bus urbano de Lugo será gratuíto e reducirá a súa capacidade

Estas medidas van encamiñadas a mellorar as condicións de seguridade e minimizar o risco de contaxio por coronavirus.

PUBLICADA O

- Advertisement -

O tenente alcalde de Lugo, Rubén Arroxo, informou de que o Concello tomou a decisión de reducir á metade a capacidade dos buses do transporte urbano, que será gratuíto “ata novo aviso”, co fin de mellorar as condicións de seguridade e minimizar o risco de contaxio por coronavirus.

Arroxo precisou que, de acordo co Real Decreto que declara o Estado de Alarma no estado español, o transporte público urbano debe manter os seus servizos “ao 100%”, de modo que “para evitar riscos de contaxio para as persoas que conducen os autobuses”, o servizo pasa “a ser gratuíto” ata “novo aviso”. Dese modo, aclarou que se “evita o contacto entre os usuarios e os condutores dos vehículos”, un posible foco de transmisión do coronavirus.

Por outra banda, desde este domingo quedaron “precintadas unha de cada dúas filas de asentos para aumentar a distancia de separación entre os usuarios”, unha medida que se suma ao incremento dos “protocolos de limpeza e desinfección por parte da empresa concesionaria”. Estas medidas, explicou Arroxo, afectará a todas as liñas do bus urbano. EFE

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...