O Movemento Feminista de Lugo convocou unha manifestación para este venres ás 20.00 horas en protesta pola libertade provisional dictada para os membros da ‘Manada’. A decisión da Audiencia de Navarra, baseada en que non existe risco de fuga nin reiteración delictiva, deixa en liberdade aos cinco condenados a nove anos de cadea por abuso sexual nos Sanfermíns de 2016 ata que pese sobre eles unha sentenza firme.
O auto, que decreta unha fianza de 6.000 euros para eludir a prisión provisional, a obriga de comparecer luns, mércores e venres ante os xulgados de garda, e a prohibición de entrar na Comunidade de Madrid, foi dictado por dous maxistrados contra o voto particular do presidente do tribunal; un voto particular que solicitaba o mantemento da prisión incondicional precisamente por risco de fuga e a gravidade do delito pola pena xa imposta, que non é firme.
A decisión xudicial tivo onte reacción en Santiago de Compostela, Pontevedra, A Coruña, Ourense, Ferrol ou As Pontes. Este venres, diversas agrupacións feministas da provincia chaman a manifestarse en Lugo (20.00 horas, Praza Maior), Viveiro (20.00 horas, Praza da Fontenova), Monforte de Lemos (20.30, na Praza de España) e Burela (21.00 horas, diante do Concello).
Se eles saen á rúa, nós tamén! Contra a liberdade provisional dos violadores de sanfermíns, contra a #XustizaPatriarcal Todas mañá ás 20h diante do Concello de Lugo! #LaManadaSomosNosotras pic.twitter.com/jjtLn3wxTr
— Plataforma Feminista de Lugo (@Lugo_Feminista) June 21, 2018
— 8M Gz (@8MGaliza) June 21, 2018
