InicioMedioambiente e PatrimonioO PP pide que se conclúa o paseo interior da Muralla, logo...

O PP pide que se conclúa o paseo interior da Muralla, logo de “20 anos paralizado”

O voceiro popular, Ramón Carballo, tamén pide que se rehabiliten as fachadas do casco histórico para "dar unha mellor imaxe da cidade" aos turistas.

PUBLICADA O

- Advertisement -

O portavoz do PP no Concello de Lugo, Ramón Carballo, reivindicou este xoves que se conclúa co paseo interior da muralla romana da cidade.

Acompañado de parte do seu equipo de concelleiros ao pé dunha das entradas á Muralla, Carballo expuxo que iso sería “fundamental para conseguir o cuarto patrimonio da Humanidade”, ao entrar en xogo a petición para que toda a zona vella da cidade sexa recoñecido pola Unesco.

O edil popular reprobou que dito “paseo interior” da muralla “leva 20 anos paralizado” e culpou os socialistas de “non facer nada” ao respecto durante os seus mandatos. “Hai fondos europeos, houbo fondos europeos. Desde o Concello non se fixo nada con iso nin cos fondos propios”, criticou.

Ademais, Carballo advertiu de que “si que hai cinco tramos de paseo que foron acondicionados, pero ningún deles segue un proxecto único ou unificado para todo un paseo interior”. Xustamente iso é o que pedirán no vindeiro pleno municipal, segundo avanzou.

REHABILITAR FACHADAS DO CASCO HISTÓRICO

Así mesmo, os populares demandan que o goberno local “axude a que as partes posteriores das fachadas, no centro histórico, se poidan rehabilitar” para “dar unha mellor imaxe desde o adarve” ante os turistas que visitan este monumento .”Queremos acondicionar esas fachadas posteriores para convertelas en fachadas principais dos edificios e así mellorar a imaxe da cidade”, recalcou.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...