InicioLugo e contornaLugoO prazo para pedir permiso para fogueiras de San Xoán remata o...

O prazo para pedir permiso para fogueiras de San Xoán remata o venres

O voceiro municipal lembrou as especificacións e limitacións do bando que regula as fogatas da festa tradicional

PUBLICADA O

- Advertisement -

Este venres 22 de xuño remata o prazo de solicitude dos permisos para as fogueiras de San Xoán. Segundo confirmou o voceiro municipal, Miguel Fernández, as persoas interesadas terán que persoarse nas dependencias da Policía Local antes das 13.00 horas do venres. O representante do Concello lembrou así mesmo as normas recollidas no bando que regula as fogatas do Lume Novo, para evitar a queima de lixo.

O documento especifica que está prohibida a combustión de rodas e cubertas de goma, plásticos ou calquera derivado de hidrocarburos, así como materiais ou produtos contaminantes, fedorentos ou tóxicos. Serán o responsable ou responsables, e os organizadores de cada fogueira, quenes terán a obriga a retirar do lugar de celebración todos os restos que queden unha vez rematada a queima.

As fogueiras non poderán facerse en lugares próximos á liña eléctrica, inmobles, zonas verdes ou de xardíns, e naqueles nos que poidan crearse situacións de perigo. Tampouco se poderán facer dentro do recinto do casco histórico. Tamén queda prohibido o lanzamento de foguetes.

En caso de incumprimento do indicado ou de queixas fundamentadas da veciñanza, procederase polo Servizo de Extinción de Incendios, e a requirimento da Policía Local, a extinguir de inmediato a fogueira.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...