InicioLugo e contornaLugoHomenaxe e Medalla de Ouro da cidade de lugo a todos os...

Homenaxe e Medalla de Ouro da cidade de lugo a todos os alcaldes do post franquismo

Recibirán a Medalla de Ouro do Concello de Lugo Xosé Novo Freire, Vicente Quiroga Rodríguez, Tomás Notario Vacas, Joaquín María García Díez e Xosé Clemente López Orozco.

PUBLICADA O

- Advertisement -

A rexedora de Lugo, Lara Méndez, convocaba esta mañá unha Xunta de Portavoces extraordinaria para propoñer ao resto dos grupos da Corporación o recoñecemento aos alcaldes da democracia que tivo o Concello outorgándolles a Medalla de Ouro da Cidade.

“Este ano no que celebramos o 40 aniversario da chegada da Democracia ao noso país, o Pleno do Concello de Lugo quere recoñecer a labor dos alcaldes que estiveron ao fronte do Consistorio desde que en abril de 1979 os votos das e dos lucenses impulsaron unha nova etapa de apertura, liberdade e modernización, unha nova etapa de esperanza tras preto de corenta anos de ditadura franquista”, enxalzou Lara Méndez.

A alcaldesa lembrou que a Medalla de Ouro de Lugo é a máxima distinción que o Concello outorga aos seus cidadáns, por iso, o regulamento da súa concesión fixa que deben recaer  en “persoas que teñen atribuídos méritos verdadeiramente extraordinarios”, o que así se pode considerar na figura dos alcaldes da Democracia xa que o deseño do Lugo que hoxe vivimos e gozamos levan o selo dos seus mandatos desde a máxima responsabilidade, a tolerancia, o compromiso, o benestar e o progreso”.

Deste xeito, a rexedora solicitará no próximo Pleno a adopción do acordo de conceder a Medalla de Ouro da Cidade aos alcaldes Xosé Novo Freire, Vicente Quiroga Rodríguez, Tomás Notario Vacas, Joaquín María García Díez e Xosé Clemente López Orozco. A proposta foi aceptada por unanimidade xa na Xunta de Portavoces.

“PRINCIPIOS DEMOCRÁTICOS”

“O paso de cada un destes representantes lexítimos do pobo de Lugo pola Casa do Concello axudou non só a consolidar o modelo e os principios democráticos instaurados senón que co seu compromiso político e persoal impulsaron a transformación do noso municipio”, engadiu Lara Méndez-

“Se a rúa entrou nas institucións a través das primeiras corporacións locais, o traballo e esforzo dos distintos alcaldes e equipos de Goberno contribuíu a mellorar a nosa realidade socioeconómica e a configurar o Lugo de progreso que hoxe coñecemos, marcado pola concordia e a convivencia”, referiu Lara Méndez.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...