InicioPolíticaLara Méndez celebra que o Concello teña "maior representación" no PSOE provincial

Lara Méndez celebra que o Concello teña “maior representación” no PSOE provincial

A alcaldesa de Lugo cre que o partido "sae unido" tras un proceso de primarias ao que están afeitos os socialistas. Por outra banda, hoxe terá unha reunión coa Xunta e con técnicos de Adif para avanzar no proxecto da estación intermodal.

PUBLICADA O

- Advertisement -

A alcaldesa de Lugo, Lara Méndez, congratulouse por “unha maior representación” da cidade na nova executiva provincial do PSOE. Así o manifestou tras a asemblea do sábado na que Patricia Otero se ergueu como secretaria xeral.

Esta foi a resposta de Méndez tras preguntárselle se ela fora “rebaixada” na estrutura socialista provincial. E é que a alcaldesa foi nomeada presidenta de honra e non presidenta do partido na provincia, como ocorrera na executiva liderada por Álvaro Santos.

“Eu creo que a cidade de Lugo queda reforzada, ten maior representación na nova executiva, onde ademais temos a un compañeiro de vicesecretario xeral (Miguel Couto). E eu sigo sendo presidenta de honra do partido”, afirmou. Neste sentido, apuntou que, “ao final, trátase de dar participación a todas as institucións, a todo o territorio da provincia”. “Xa digo, o concello ten moita máis representación do que tiña”, insistiu.

Méndez non dubida de que o partido “sae unido” tras este proceso de primarias cuxo punto final foi o congreso provincial do pasado sábado. “Estamos afeitos a ter procesos internos e asumímolos con moita naturalidade, con moita normalidade. O noso partido é un partido demócrata onde temos esa democracia interna, onde temos capacidade de falar e de discutir, incluso, distintas formulacións. Pero unha vez que sae un proxecto todos pechamos filas ao redor dese proxecto”, presumiu.

GOBERNO CENTRAL E INTERMODAL

Por outra parte, Lara Méndez tamén falou acerca da ausencia de goberno en Madrid e sobre como iso pode afectar o concello. Cre que as consecucencias xa se ven “nos propios orzamentos”. “Nós sempre dixemos que (os orzamentos) son un instrumento imprescindible. No ámbito estatal tamén, porque impide desenvolver cuestións que nos afectan ao territorio”, sinalou.

Finalmente, apelou á necesidade da “estabilidade” a nivel estatal para “poder seguir tendo os proxectos e as formulacións cos que hoxe se continúa traballando”. “Por exemplo, hoxe teremos unha reunión con técnicos de Adif e da Xunta para seguir co proxecto de intermodal“, salientou. “O feito de que estea constituído o goberno sempre é unha garantía para seguir planificando, proxectando as infraestruturas necesarias para Lugo, como é a intermodal”, profundou.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...