InicioPolíticaSocialistas e nacionalistas culminan o seu "acordo programático" en Lugo

Socialistas e nacionalistas culminan o seu “acordo programático” en Lugo

A cidade volverá ter, 20 anos despois, un goberno bipartito.

PUBLICADA O

- Advertisement -

Os socialistas e os nacionalistas de Lugo culminaron na tarde deste xoves as negociacións iniciadas para conformar un goberno bipartito na cidade para a próxima lexislatura cun “acordo programático”.

Ambas as formacións despacharon este xoves no Concello de Lugo en apenas hora e media o quinto encontro mantido para debuxar un pacto que permita a Lugo ter un goberno estable os próximos catro anos, tendo en conta que os oito edís do PSOE e os cinco do Bloque alcanzan a maioría absoluta.

Neste contexto, ao fío das 19,00 horas da tarde deste xoves, saían os negociadores liderados pola alcaldesa en funcións, a socialista Lara Méndez, e o alcaldable nacionalista, Rubén Arroxo.

Méndez mostrouse satisfeita tras chegar “a un acordo programático”, cuxas liñas de actuación “darán a coñecer mañá nunha rolda de prensa”.

O acordo “programático” contempla a repartición de áreas. Así, os socialistas levarán “economía e desenvolvemento local, benestar, persoal, urbanismo e medio ambiente, deportes e medio rural”;.

O BNG ocuparase de “infraestruturas e mobilidade, cultura turismo e promoción da lingua, área de cidadanía e educación”.

Pola parte nacionalista, Arroxo concretou que estas cinco reunións serviron “para organizar o proxecto de cidade para estes catro anos” e como ambas as formacións ían xestionar ” o programa conxunto que elaboraron”.

Deste xeito e a poucas horas da sesión de investidura que terá lugar este sábado, Lugo volverá ter, 20 anos despois, un goberno bipartito. En concreto, en 1999 o exalcalde Xose López Orozco configurou un goberno bipartito composto por sete edís do PSOE e seis do BNG.

Na próxima corporación, ademais, o PP terá 10 edís e Ciudadanos dous concelleiros.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...