InicioEconomíaXa hai vía libre para construír a primeira gran rúa comercial cuberta...

Xa hai vía libre para construír a primeira gran rúa comercial cuberta en Lugo

Un tribunal desestimou un recurso da COAG. A Xunta tamén emitira un informe negativo.

PUBLICADA O

- Advertisement -

O Xulgado do Contencioso Administrativo de Lugo deulle a razón ao Concello fronte á demanda que interpuxo o Colexio Oficial de Arquitectos de Galicia (COAG) contra o procedemento de adxudicación do contrato para redactar o proxecto de peonalización e construción dunha cuberta na rúa Quiroga Ballesteros.

Segundo informou o goberno local, a propia sentenza -fronte á que non cabe interposición de recurso algún- recoñece que o Concello de Lugo foi “profusamente respectuoso cos principios que rexen a contratación pública” e imponlle ao COAG “os custos procesuais”.

“Ningún reproche se lle pode esixir á Administración, debendo recoñecer que a actuación administrativa foi escrupulosamente respectuosa co procedemento legalmente establecido, ofrecendo unhas garantías que perfectamente podería ter obviado”, engade a resolución xudicial.

O proxecto en cuestión tamén recibiu un informe desfavorable por parte de Patrimonio, pero a Xunta de Galicia precisou que dito estudo non era vinculante, de modo que o goberno local pode seguir adiante coa cuberta de Quiroga Ballesteros, a rúa na que se atopan o mercado municipal e a praza de abastos, en pleno centro histórico de Lugo.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...