InicioEconomíaNovafrigsa recibe novos fondos da Xunta para maquinaria e reformas

Novafrigsa recibe novos fondos da Xunta para maquinaria e reformas

A maior industria de vacún de Galicia, da que dependen 320 empregos directos, percibe 541.000 euros en fondos da Consellería de Medio Rural

PUBLICADA O

- Advertisement -

A industria Novafrigsa recibiu 541.000 euros da Consellería de Medio Rural no marco do programa de axudas para transformación de produtos agrarios. A subvención permitirá reequipar e reformar unha das empresas máis importantes da cidade de Lugo, da que dependen 320 postos directos, e con relacións comerciais en toda a provincia.

Nos tres últimos anos, o departamento autonómico concedeu a Novafrigsa preto de dous millóns de euros en achegas, o 35 por cento do investimento subvencionable. De novo, esta inxección de capital público adicarase á mellora das instalacións e adquisición de equipamento.

O centro de procesado dependente de Coren integra numerosas sociedades de avícola, porcino e plantas de alimentación animal. A cooperativa de segundo grao ten por actividades principais a elaboración de produtos cárnicos, curado de xamón e sacrificio e despece de gando vacún, sendo o maior centro desta clase en Galicia. Novafrigsa comercializou en 2018 máis de 12 millóns de quilogramos de carne, a terceira parte deles co selo Tenreira Galega.

A achega da Xunta de Galicia financiará reformas na zona de oficinas, secadoiros e vestiarios; melloras nas instalacións eléctrica, de climatización, fontanería e frigorífica; e adquisición de diversa maquinaria, coma unha máquina de baleiro, unha báscula etiquetadora, unha bomba de baleiro, un compresor de aire ou unha potabilizadora de auga.

O delegado territorial da Xunta en Lugo, José Manuel Balseiro, afirmou que o programa de axudas supón a “clara aposta pola innovación e modernización como medio para seguir sendo competitivos”. O enviado autonómico salientou o papel da industria galega da alimentación no valor engadido para a viabilidade das explotacións gandeiras.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...