InicioLugo e contornaOuteiro de ReiO persoal de Capsa levará a xuízo á empresa por "incumprimento do...

O persoal de Capsa levará a xuízo á empresa por “incumprimento do convenio”

O secretario comarcal da FGAMT-CIG, Christian López, asegura que "se nega a cumprir coa cláusula de revisión dos salarios conforme ao IPC real recollida no convenio colectivo".

PUBLICADA O

- Advertisement -

Traballadores de Corporación Alimentaria Peñasanta (Capsa) concentráronse este luns en Lugo coincidindo co acto de conciliación pola demanda presentada contra a empresa por suposto incumprimento das garantías salariais do convenio colectivo.

A conciliación, segundo informa a CIG a través dun comunicado de prensa, terminou sen acordo, polo que “agora o proceso de reclamación continuará na vía xudicial”.

O secretario comarcal da FGAMT-CIG, Christian López, tacha de “ruin” a actitude de Capsa ao asegurar que “se nega a cumprir coa cláusula de revisión dos salarios conforme ao IPC real recollida no convenio colectivo”.

Asegura que a empresa aplicou nas táboas o incremento acordado para 2022 “pero queda pendente de aplicar a diferenza co IPC final dese ano”.

Para os traballadores, advirte, “resulta gravísimo este incumprimento, nun momento no que o custo da vida está disparado”.

Á espera do xuízo, o persoal non descarta retomar as mobilizacións en defensa dos seus dereitos salariais.

O portavoz ve “impresentable” que un grupo “de base cooperativa que comercializa marcas tan coñecidas como Larsa, Central Leiteira Asturiana e ATO, que declara enormes beneficios (…) ignore as condicións pactadas”.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...