Porque no Plan de Xestión establécense unha serie de medidas de acompañamento, asesoramento e divulgación tanto do lobo como especie como das medidas que se deben tomar para unha correcta convivencia e a Xunta “deixa absolutamente desamparado ao sector gandeiro“. E o sector gandeiro “brama por respostas e atención xa que o que está protexido por lei é o lobo e non a gandería”. Ademais, a SGPF denuncia que as convocatorias de axudas ás medidas preventivas fixéronse “sen planificación algunha, sen avisar ao sector e cuns prazos de xustificación ridículos”.

Así, sosteñen que “non é de estrañar que neste contexto se soliciten batidas como a de Vilalba na pasada semana“. Que estas batidas se deben entender como “unha medida desesperada, unha chamada de auxilio”. Porque a “a presenza do lobo no 94 % do territorio galego fai que non poidamos falar de ‘casos illados’ ou de ‘zonas conflitivas'”, e é necesario dispoñer un plan de traballo axeitado “sen deixar de lado o traballo das asociacións gandeiras”. Reclaman poñer sobre a mesa “as actuacións necesarias” e “urxentemente polo ben da gandería, do lobo e do rural galego”.