InicioEconomíaUn estudo identifica o Auditorio de Lugo na 'xeografía do despilfarro'

Un estudo identifica o Auditorio de Lugo na ‘xeografía do despilfarro’

A lista de dispendios, sobrecustes e gastos inxustificados asumidos pola Xunta de Galicia é de 844 millóns de euros nas últimas dúas décadas

PUBLICADA O

- Advertisement -

A Xunta de Galicia malgastou 844 millóns de euros entre os anos 1995 e 2016. Ese é o total dos cartos dilapidados pola autoridade autonómica en grandes infraestruturas con investimento público. Case a metade dese diñeiro adicouse á Cidade da Cultura, no Monte Gaiás, e pechando a lista aparece o Auditorio de Lugo. Este cálculo é parte dun estudo publicado no Boletín de la Asociación de Geógrafos Españoles, realizado por un equipo de investigadores de universidades de toda España, e titulado ‘Aproximación a la Geografía del despilfarro en España: balance de las últimas dos décadas’.

Pormenorizadamente, o dispendio da Xunta distribúese deste xeito: 400 millóns de euros na Cidade da Cultura (Santiago de Compostela), 127 millóns na Plataforma loxística PLISAN (Salvaterra), 105 millóns no Polígono industrial Porto do Molle (Nigrán), 90 millóns no Auditorio de Vigo, 80 millóns no Polígono industrial Arteixo/Morás, 22 millóns na Autovía AG-51 Salvaterra-As Neves, e 20 millóns no Auditorio de Lugo.

Estes investimentos inclúen o dispendio en infraestruturas innecesarias, sobrecustes e instalacións condenadas á infrautilización. No referido aos cartos tirados pola Administración central do Estado, os expertos sitúan o malgasto en 45.920,5 millóns de euros. Este capítulo inclúe a rede de autoestradas (520 millóns na vía entre Lugo e Compostela), liñas ferroviarias (case 5.000 millóns no treito Valladolid-Compostela), aeroportos (262,4 millóns entre Alvedro, Lavacolla e Peinador) e portos (que lidera o Porto Exterior da Coruña en Punta Langosteira, con 1.000 millóns).

A estas canditades que hai que engadir os dispendios por autonomías, entre as que destaca Cataluña, con 9.160,5 millóns de euros malgastados, seguida por Madrid, con 7.723,1, e Comunidad Valenciana, con 5.936.  A continuación aparecen Aragón (2.978 millóns), Andalucía (2.657,2), Asturias (2.380,1) e Castela-A Mancha (1.530), por enriba de Galicia, que ocupa o oitavo posto. Estremadura é onde menos malgasto houbo, con 13,4 millóns.

En total, os investigadores contabilizaron, entre investimentos da Administración central e das autonómicas e locais, 80.526,6 millóns de euros malgastados en grandes obras dende 1995.

Máis información en Galicia Confidencial

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...