InicioEconomíaEs unha persoa con discapacidade e buscas emprego?

Es unha persoa con discapacidade e buscas emprego?

O Espazo Lab do CEI – Nodus acollerá este xoves as primeiras Xornadas Speed Networking para persoas desempregadas con discapacidade.

PUBLICADA O

- Advertisement -

Baixo o lema “Unha dobre oportunidade” o Espazo Lab – Centro de Formación e Orientación Laboral do Concello de Lugo, acollerá este xoves, a primeira Xornada Speed Networking de Lugo. O obxectivo é reunir a persoas traballadoras e desempregadas con diversidade funcional e a empresas de diferentes sectores que desenvolven a súa actividade en Lugo para poder establecer redes de contactos, facer visibles os seus perfís profesionais así como facilitar a súa inserción laboral.

O concelleiro de Desenvolvemento Local e Emprego de Lugo, Mauricio Repettoe a directora rexional de Inserta Empleo en Galicia, Menchu Iglesias, foron os encargados de presentar unhas xorandas que terán lugar no CEI – Nodus. “Trátase dun compromiso para que a integración social se leve a cabo sen barreiras de ningún tipo e poñendo a disposición os medios e recursos municipais no eixo do emprendemento para que as persoas con discapacidade sexan actores fundamentais na estratexia de desenvolvemento de Lugo”, dixo o edil.

Mauricio Repetto explicou tamén que a actividade comezará coa intervención da judoka integrante do equipo de Trainers Paralímpicos da Fundación ONCE, Marta Arce e posteriormente se celebrará un período de networking, de aproximadamente unha hora, no cal os participantes terán ocasión de interactuar entre  para intercambiar perfís e ampliar información acerca das súas competencias.

Pola súa banda, Menchu Iglesias, reseñou a importancia da colaboración institucional para propiciar a creación destas xornadas, ás que xa se apuntaron máis de medio cento de participantes e que servirán como marco idóneo para xerar oportunidades de emprego.

ÚLTIMAS

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...

Anunciado o traspaso das parcelas para a nova Comisaría de Policía Nacional en Lugo

O delegado do Goberno en Galicia, Pedro Blanco, e o alcalde de Lugo, Miguel...