InicioEconomíaA Confederación de Empresarios de Lugo considera "precipitado" e "pouco concreto" o...

A Confederación de Empresarios de Lugo considera “precipitado” e “pouco concreto” o proceso de control horario

PUBLICADA O

- Advertisement -

A secretaria da Confederación de Empresarios de Lugo (CEL), Lourdes Pardo, cualificou de “precipitado” e de “pouco concreto” o control de horarios nas empresas, decretado polo Goberno central desde o pasado domingo.

“Foi demasiado precipitado e moi pouco concreto, e, de feito, onte o ministerio ditou pola tarde, ás carreiras e correndo, unha serie de recomendacións, porque a avalancha e as dúbidas xeradas entre o empresariado eran tremendas”, dixo a secretaria.

En canto ás empresas de Lugo, Lourdes Pardo constatou que a aplicación se está producindo “con grandes dúbidas”. “Estamos todo o día resolvendo dúbidas, estamos todo o día resolvendo consultas sobre que pasa cos traballadores desprazados, cos traballadores de reparación de electrodomésticos en domicilios, os transportistas, os taxistas, é que está a xerar unha chea de dúbidas”, resumiu.

A confederación, dixo, asinou un convenio cunha empresa que, consideran, facilitará “o poder fichar a través de ordenadores, de móbiles”, pero “hai moitas empresas que non poden facelo así e fano en papel para cumprir as súas obrigacións”, matizou.

Lourdes Pardo confesa que isto “foi unha tolemia”. “A min cónstame que todo o mundo este luns, da forma que fose, implantouno con papel e xerouse moita inquietude polas dúbidas que expón. Onte ditouse unha circular de seis páxinas para aclarar un precepto do estatuto dos traballadores dun só parágrafo. Iso non parece que sexa moi serio”, afeou.

+ posts

ÚLTIMAS

O PSOE defende un “proxecto da xente” fronte a unha dereita centrada en “desmantelar” servizos públicos

Os candidatos do PSdeG-PSOE ao Congreso e ao Senado pola provincia de Lugo, Patricia...

Condenan a nove anos por maltratar e agredir sexualmente á filla menor da súa parella

A sección segunda da Audiencia Provincial de Lugo condenou a nove anos e un...

Benigno Gómez (PSOE), o alcalde que deixa Cervantes para gozar da xubilación tras cinco maiorías absolutas

O socialista Benigno Gómez, nacido en 1953, presentou este luns a súa renuncia como...

Begonte chora a Jesús Domínguez Guizán, o cura que puxo no mapa o seu belén

O Concello de Begonte (Lugo) declarou dous días de loito pola morte o pasado...