Alberto Monteagudo, primeiro adestrador de Club Deportivo Lugo, afirmou que se gañan ao Córdoba C.F. este domingo 14 de abril ás 18 horas no estadio Nuevo Arcángel de Córdoba ás 18 horas “sería deixar fóra da pelexa” aos cordobeses. Adiantou que “a xente vai apretar”, “é a súa oportunidade”, “vai tentar axudar ao equipo”, “aínda que están un pouco de unllas polo partido de Elche” e, porén, deben “ensinar os dentes e que a xente póidaselles volver un pouco en contrar”. “Sei que a xente alí non está leda”, adiantou. Comentou que “o equipo está ben e o domingo amosouno”. En canto ao rival, teñen que “insistir na súa última liña, que é onde máis dificultades está a ter esta tempada”, referíndose á defensa cordobesista.
Carlos Pita e Fernando Seoane son baixas por lesión, mentres que Sergio Gil por sanción. Sobre Pita, contestou que é unha baixa de “curto prazo” e “está correndo”. Tamén confirmou a baixa do mediapunta Antonio Campillo. Alberto Monteagudo só conta cun pivote puro para este domingo en Córdoba, Giorgi Aburjania, polo que respondeu que van “tirar seguramente do filial”. De feito, o canteirán Álex Rey foi convocado na pasada xornada.
Contestou sobre o lateral esquerdo ucraíno Orest Lebedenko, fichado en xaneiro e que aínda non debutou: “Orest está ben. Costoulle un pouco ao comezo. É un xogador que precisa o seu tempo, a categoría, o fútbol español. En Ucraína xogou moito en liña de cinco no seu país, non el só, cun central que lle gardaba as espaldas. Cada día está mellor”.
