O Cafés Candelas Breogán gañou ao UCAM Murcia (77-73) e asinou a súa sétima vitoria nesta tempada en Liga Endesa. Os breoganistas foron claramente superiores no rebote (47 a 32), especialmente con 16 rexeites en ataques. Cinco puntos consecutivos de Salva Arco, 15 puntos ao remate pese a estar limitado pola cuarta falta persoal no terceiro cuarto, e dous tiros libres de Volodymyr Gerun, inmenso con 20 puntos e 10 rebotes, foron decisivos. Os lucenses son decimocuartos con dous triunfos sobre o descenso. Iso si, non foron quen de remontar o average directo con Murcia, que é penúltimo en posto de descenso con cinco triunfos. UCAM Murcia estivo máis atinado no lanzamento a canastra, na circulación de balón, mais no treito final pecaron de individualistas.

Gerun foi o máximo anotador breoganista con 20 puntos, seguido por Salva Arco, con 15, e Alec Brown, con 13 e 12 rebotes.