Hernán Menosse, novo defensa central do Club Deportivo Lugo, foi presentado este mediodía coma novo xogador albivermello até final de tempada.
O ex central do Real Club Recreativo de Huelva e do Granada C.F. afirmou que tiña contrato de “ano e medio máis na primeira división arxentina” con C.A. Belgrano e “algunhas outras opcións”, pero gustoulle a “seriedade” do Club Deportivo Lugo e quería “outra oportunidade” en España. Explicou que “verán un defensa uruguaio, entrega, sacrificio, dalo en cada partido, en cada adestramento” porque “iso non se negocia” e quere “contaxialo aos compañeiros”, así coma “seriedade” e “experiencia”. Subliñou que o Lugo é “un equipo que tenta xogar moi ben ao fútbol, faino moi ben, en tódolos campos quere ser protagonista”.
Hernán Menosse é un central diestro. Pese a iso, comentou que xogou “máis partidos pola esquerda que pola dereita” ao longo da súa traxectoria profesional. Asina até final de tempada, mais dixo que “ogallá por moitos anos máis”.
