Luis Ruiz, lateral esquerdo do Club Deportivo Lugo, remata contrato este vindeiro 30 de xuño deste ano 2019. Hoxe, en rolda de prensa, respondeu sobre o seu futuro: “Si, houbo habido algún achegamento co club. Eu estou ledo aquí. Quérome centrar en facelo ben, estar ao meu máximo nivel.”
O ex xogador do C.D. Leganés valorou a situación actual do equipo: “Estamos nunha boa dinámica. Estase a notar o traballo dos adestramentos, o traballo que quere o míster. Temos que darlle continuidade e mellorar no que, quizáis, estamos a errar un pouco”. “Non nos conformamos con isto, queremos sumar de tres en tres”, comentou a posteriori. Subliñou que os lucenses están a “facer un bo traballo defensivo, aos rivais cústalles facer ocasións” e os albivermellos teñen “un gran porteiro”.
Valorou o traspaso de Bernardo Cruz ao Granada C.F.: “É unha perda importante porque é unha persoa que facía vestiario, sumaba sempre xogase ou non, é un exemplo para todo futbolista, todos temos que mirarnos en el, merécese o mellor”.
Opiniou que o Extremadura U.D., vindeiro rival no estadio Ángel Carro este domingo 13 de xaneiro a partir das 18 horas, é “un equipo sólido“, “veñen dun resultado bastante bo, teñen o máximo goleador da categoría, arriba teñen xente bastante dinámica e xente que chega nun bo momento de forma”.
