O Club Deportivo Lugo perdeu coma local na decimoterceira xornada ante a Agrupación Deportiva Alcorcón (0-1) despois dun gol de Borja Galán, ex xogador do Fabril, no minuto 48. Os madrileños son líderes provisionais de La Liga 1|2|3 con 27 puntos, polos 13 do Lugo, decimoquinto arestora.
Os lucenses comenzaron sendo superiores. Presionando en bloque alto e con continuas chegadas, aínda que non con finalizacións precisas. Cristian Herrera amosábase moi vertical e Antonio Campillo xeraba continuamente. Así a todo, foi o Alcorcón, que mellorou co paso dos minutos, o primeiro en contar cunha ocasión clara. Foi no minuto 22 cun zurdazo de Marco Sangalli, diestro, que marchou por riba do segundo pau. O Lugo respondía cunha arrancada de Eduard Campabadal, no minuto 28, e o seu disparo marchaba alto dende fóra do área. O partido equilibrábase. No 38, avisaba Borja Galán, posterior goleador, cun disparo raso dende media distancia que non atopaba portería. Segundos despois, o Lugo contaba coa opción máis rechamante da primeira metade cun balón solto que Antonio Campillo, impoñéndose ao ex deportivista Laure Sanabria, toca a media altura, pero o porteiro visitante Dani Jiménez desviaba a saque de esquina. Laure reaccionaba cinco minutos despois cunha arrancada pola banda dereita, pero o seu centro non atopaba rematador.
No comezo do segunda metade, chegaba o gol do Alcorcón tras unha apertura de Albert Dorca, Borja Galán recibe, encara e o seu disparo entraba polo segundo pau de xeito precioso e preciso. Segundos despois, Juan Muñoz podía asinar o segundo tanto madrileño, pero o seu zurdazo marchou alto. Respondía Antonio Campillo cun disparo raso e excesivamente cruzado. O Lugo xeraba. Así, unha falta indirecta botada polo propio Campillo creou perigo ante a indecisión da cobertura do Alcorcón. Tamén os madrileños buscaban a portería de Juan Carlos Martín. No minuto 55, centro do ex céltico Carlos Bellvís e o seu homólogo Vasyl Kravets despexaba en boca de gol. Comezaba tamén Iriome González a ser máis vertical por parte do Club Deportivo Lugo. Varias conduccións súas facían perigar a vitoria parcial visitante. Entre tanto, Laure centra e o albivermello “Josete” Malagón desviaba levemente a saque de esquina. No minuto 71, o Alcorcón trocaba ao seu porteiro titular, Dani Jiménez, por lesión, e entraba Raúl Lizoain. Minutos de falta de ritmo e paróns. Xogo inconexo. No minuto 80, pase filtrado de Campabadal cara o desmarque de Campillo, pero Lizoain blocaba atento saíndo da súa porta. No 83, clara ocasión do Lugo. José Carlos Lazo, que entrara de refresco, centra, dúbidas na defensa madrileña e Jean Marie Dongou, sen a fe precisa, remataba sen total tensión e o balón marchaba alto ante Lizoain. Novamente, Dongou era protagonista segundos despois, pero non controlaba o pase de Juan Muñiz, derradeiro troco do Lugo. Juan Muñoz remataba para o Alcorcón cun zurdazo alto dende fóra do área. Os madrileños buscaban tamén a sentenza. No minuto 88, o albivermello Juan Muñiz finaliza unha contra cun disparo lonxano, pero potente, e Lizoain desviaba a saque de esquina. No desconto, Fernando Seoane disparaba ao pau dende fóra do área na máis clara ocasión dun Lugo que xerou dabondo para empatar, pero o Alcorcón levouse a vitoria ao ser máis eficaz. Os madrileños celebraron o triunfo sobre o céspede do estadio Ángel Carro. Son a revelación agora mesma dunha igualada e apaixoante La Liga 1|2|3.
