InicioDeportesNatxo Lezkano adianta que Ricardo Úriz "pode ser que teña algún minuto"

Natxo Lezkano adianta que Ricardo Úriz “pode ser que teña algún minuto”

O primeiro adestrador breoganista confirmou a baixa de Salva Arco, a quen van "darlle outro período de máis tempo de recuperación para que non volva ter problema"

PUBLICADA O

- Advertisement -

Natxo Lezkano, primeiro adestrador de Cafés Candelas Breogán, compareceu en rolda de prensa previa ao partido da oitava xornada contra Unicaja Málaga no pavillón malagueño Martín Carpena este domingo a partir das 12:30 horas.

Lezkano adiantou que Ricardo Úriz, base que aínda non debutou esta temporada, “pouco a pouco vai entrando no equipo”, “vai depender das sensacións” e “pode ser que teña algún minuto”. Tamén confirmou a baixa de Salva Arco, a quen van “darlle outro período de máis tempo de recuperación para que non volva ter problema”, “parecía que estaba ben, non tiña ningún tipo de dor”, pero agora “outra vez dores, non coma ao principio, nin moito menos”. Afirmou que van “recuperando pouco a pouco xogadores” e foi semana de “reservar uns cantos”. Confirmou que Aleksandar Cvetkovic e Alec Brown só adestraron un día trala pasada quenda ligueira.

Sobre Unicaja, opinou que é “un equipazo de nivel Euroliga, aínda que non a esté a xogar”. Explicou que “xoga moi ben”, posúe “un dos mellores ataques da ACB” con “moito ritmo, moi boas porcentaxes, sabe xogar cinco contra cinco, en velocidade, situacións chegando, moi bos tiradores, poste baixo, dirección, corpo técnico de primeiro nivel e unha afección de primeiro nivel tamén, teñen todo”. Pronosticou un “partido muy complicado como é lóxico”.

 

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...