Tarence Kinsey, xogador do Cafés Candelas Breogán, compareceu hoxe en rolda de prensa no Hospital Polusa trala renovación do acordo entre o club e a clínica por unha tempada máis.

Kinsey afirmou que “pouco a pouco” vaise “adaptando” e está preparado “para dar o 100%” como fixo “en tódolos equipos”, así como adiantou que xogará “duro”. Engadiu que Natxo Lezkano, adestrador do Breogán, non lle pide nada de xeito individual, senón que lles esixe a todos “un esforzo duro”.

O ex xogador da NBA e da Euroliga declarou que “o apoio da afección é tremendo”. “Voltamos á pista despois de rematar o partido e pasar por vestiarios. Estivemos cos nenos. Non o fan moitos clubes e deberían facelo”, comentou.