O partido Cafés Candelas Breogán – Divina Seguros Joventut da primeira xornada da Liga Endesa suspendeuse por mor de problemas para a visualización do marcador, reloxo e posesión de 24 segundos.

“Pido desculpas á afección, ao Joventut, a Movistar, á Liga Endesa e a tódolos estamentos”, afirmou Suso Lázare, presidente do Breogán. Afirmou que deberán “buscar unha data que tente beneficiar a todos e que cause o menor prexuízo”. “A primeira responsabilidade é nosa e hai que asumila”, recoñeceu. “Tivemos un par de partidos de proba e todo funcionaba ben. Seguramente, mañá saberemos cal é a causa real. O que sí vos podo decir é que o videomarcador funcionaba”.