O extremo lucense Iago Díaz é novo xogador do Real Club Recreativo de Huelva, que compite en Segunda División B e coñecido como o “Decano” por ser o equipo máis antigo de España. Asina por unha tempada e procede da S.D. Ponferradina, tamén en Segunda B e onde xogou a campaña pasada 31 partidos de Liga e 2 de Copa marcando 3 goles.
Iago, de 25 anos, ten dous ascensos a Segunda: co Club Deportivo Lugo en 2012 e coa Cultural y Deportiva Leonesa en 2017.
Debutou co Lugo o 4 de decembro de 2011, en Segunda B, na visita ao Rayo Vallecano B e, nesa tempada, xoga 17 partidos marcando 1 gol. Competiu en Segunda co equipo da súa cidade entre 2012 e 2015 xogando 92 partidos e marcando 11 goles. Tamén, disputou 5 partidos de Copa co Lugo.
Posteriormente, ficha pola U.D. Almería, en Segunda, xogando entre 2015 e o mercado de inverno de 2017 competindo en 31 partidos de Liga e 2 de Copa e aportando 2 goles. Coa Cultural y Deportiva Leonesa, 18 encontros e 2 goles.
Suma 123 partidos en Segunda, 66 en Segunda B e 9 de Copa.
Iago Díaz Fernández é un extremo diestro que habitualmente xoga por banda esquerda e que se caracteriza pola verticalidade, capacidade para ir ao espazo, o despliegue físico e o olfato goleador.
