O dianteiro lucense Dani Pedrosa é novo xogador do Real Valladolid B, equipo de Segunda División B. Firma por unha tempada con opción a outras tres. Pedrosa rematou contrato co Club Deportivo Lugo o pasado 30 de xuño despois de 8 anos no club. A pasada tempada, xogou cedido no C.C.D. Cerceda, en Segunda B, marcando 6 goles en 33 partidos.
Pedrosa, de 21 anos, debutou oficialmente co Club Deportivo Lugo na tempada 2013-2014 en Huelva fronte ao Real Club Recreativo de Huelva (1-0) en partido de terceira rolda de Copa. A seguinte campaña, debutou en Segunda División co Lugo sendo titular ante o Albacete Balompié no estadio Ángel Carro de Lugo (1-1).
Pedrosa marchouse cedido do Club Deportivo Lugo á U.D. Somozas, de Segunda B, no mercado de inverno de 2016 xogando 11 partidos e marcando 1 gol. A seguinte tempada, foi novamente a préstamo ao Somozas xogando 27 encontros.
Acumula 71 partidos en Segunda División B pese aos seus só 21 anos.
A finais de 2015, marcou seis goles nun amigable co Club Deportivo Lugo contra o Viveiro C.F.
Dani Pedrosa é un dianteiro versátil, técnico, de elegante conducción e con fortaleza física. Pode xogar como punta puro, segundo dianteiro, mediapunta o falso extremo dereito.
