Club Atlético Pulpileño será o rival do Rácing Vilalbés na primeira eliminatoria polo ascenso a Segunda División B, segundo o sorteo realizado esta tarde na Real Federación Española de Fútbol (RFEF). A ida xogarase no estadio de A Madalena, en Vilalba, e a volta en Pulpí (Almería). O primeiro partido disputarase o domingo 20 de maio a partir das 17 horas. Vilalbés e Pulpileño remataron terceiros nos seus grupos. Para subir a Segunda B, deberán superar tres rondas.

O C.T. Pulpileño é un equipo da poboación almeriense de Pulpí, mais xoga no grupo da Terceira División en Murcia.

No Pulpileño xoga o central arxentino Bruno Caballero, ex xogador do Rácing Vilalbés.

Foto de rfef.es