O Club Deportivo Lugo anunciou a Emilio Viqueira coma novo director deportivo para as vindeiras catro tempadas. Porén, firma contrato até o 30 de xuño de 2022. Viqueira será presentado o mércores 13 de xuño a partir das doce do mediodía no estadio Ángel Carro. Substitúe a Víctor Moreno, director deportivo albivermello dende abril de 2017.
Emilio Viqueira, nado en Santiago de Compostela vai 43 anos, traballou coma director deportivo no Xerez Deportivo e Gimnàstic de Tarragona. Co Nástic, acadou o ascenso a Segunda en 2015 e, en 2016, loitou até a última xornada polo ascenso directo a Primeira División. Nas dúas últimas campañas, salvaron a categoría en Segunda na derradeira xornada. Viqueira desvinculouse do Nàstic o pasado 17 de maio.
Foto das canles oficiais de Club Deportivo Lugo.
