O Club Deportivo Lugo anunciou un convenio de filialidade con Peluquería Mixta Friol, equipo que milita na Segunda División do fútbol feminino, e pasará a denominarse oficialmente coma “Friol C.D. Lugo”. O equipo vestirá a equipación do Lugo, seguirá xogando no campo da Reigosa de Friol, aínda que competirán circunstancialmente no estadio Ángel Carro. O Lugo, ademáis, apoiará estruturalmente ao PM Friol.
O presidente do Friol, Geluco Villar, afirmou no programa “Galicia en goles” da Radio Galega ao compañeiro Roberto Carlos Carballo que levaban “un ano traballando no tema” despois dunha chamada de Tino Saqués, presidente do Lugo. Villar comentou que xestionarán “da man en fichaxes e corpo técnico” e que “tentarán” crear un segundo equipo, un filial. O acordo é só por unha temporada por normativa da Real Federación España de Fútbol (RFEF), pero a intención é que sexa por máis campañas, segundo confirmou Geluco Villar na Radio Galega.
Segundo o Club Deportivo Lugo, “o apoio a todos os axentes que conforman a sociedade de Lugo, ao deporte formativo e ao deporte feminino representa unha das pedras angulares sobre as que se fundamenta o proxecto presente e futuro do C.D. Lugo”.
Foto de cdlugo.com
