InicioDeportesTito Díaz: "Estamos a traballar moi ben"

Tito Díaz: “Estamos a traballar moi ben”

PUBLICADA O

- Advertisement -

Tito Díaz, primeiro adestrador de Cafés Candelas Breogán, compareceu na rolda de prensa previa á visita breoganista a Valencia Basket este sábado 4 de maio ás 18 horas. O técnico lucense considera que Valencia Basket, “despois de Real Madrid e Barça, é o equipo máis en forma da ACB”, “está a un nivel altísimo”, “liberouse da presión ao gañar a Eurocup e clasificarse para a Euroliga” e “é un equipazo”. “Sergi García sería o noso xogador franquicia”, explicou sobre o base de Valencia Basket cedido a Bàsquet Manresa.

Sobre o Breogán, afirmou que “están a traballar moi ben”, “os xogadores están a facer un esforzo extraordinario tódolos días e en tódolos partidos” e están “con confianza”. “Salvo o partido de Estudiantes, estamos competindo en todos”, reivindicou.

Sobre Daniel Ochefu, baixa na pasada xornada, contestou que “comezou a facer algo onte”. “Hoxe ímolo probar”, explicou. En canto a Tadija Dragićević, que reapareceu o pasado sábado, “fáltalle ritmo” e “é un xogador de gran nivel técnico e táctico” que “está dentro porque Daniel Ochefu está fóra”. Sobre Ricardo Úriz, comentou que “está na mesma situación que Dragićević” e “leva tres días adestrando”.

Loubou ao escolta lucense Sergi Quintela, que debutou o pasado sábado, porque “está a axudar moitísimo nos adestramentos”, “é un xogador que ten unha enerxía, unha intensidade defensiva e un ritmo de ACB”. “Estou moi ledo de que esté con nós”, declarou.

 

 

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...