Tito Díaz, primeiro adestrador de Cafés Candelas Breogán, adiantou que os pivotes Volodymyr Gerun e Daniel Ochefu “non adestraron” por “golpes no partido contra Unicaja”. “Esperamos recuperalos a ámbolos dous”, comentou.
Sobre Sergi Quintela, reincorporado ao equipo esta semana despois da súa cesión en Força Lleida, afirmou que aporta “frescura”, “enerxía, nivel defensivo, pode defender a calquera xogador exterior, moi rápido e agresivo e xogo en toda pista, é moi rápido, con moi bo manexo de balón”, así como colaborará con “ritmo”. Adiantou que Sergi Quintela volveu “para xogar” e viaxará a Madrid
En canto a Tadija Dragićević, “non está ao cen por cen de ritmo, pero cada vez está mellor”, “el está preparado” e esta mesma semana “axudou moitísimo”.”Se temos lesións dos pivotes si o temos aí preparado”, explicou.
Sobre o Real Madrid, rival este sábado no Wizink Center este sábado ás 18:00 horas, contestou que os breoganistas quererán ser “valentes” e xogar “ben en defensa e en rebote” porque “cada despiste son dez puntos en contra” contra os madridistas.
