A festa da filloa de Muimenta recibiu o premio á excelencia turística da provincia de Lugo, segundo informa a Deputación Provincial. A vicepresidneta do consello provincial de Turismo e deputada de Promoción do Territorio, Pilar García, presidiu, no Día Mundial do Turismo, o acto de entrega da cuarta edición destes premios.
Por outra banda, o deputado de Recursos Sustentables, alcalde de Foz e presidente da mancomunidade de municipios da Mariña, Francisco Cajoto, presentou este mércores unha nova edición de ‘A Mariña en ruta’, un programa de visitas guiadas polos concellos que forman parte do xeodestino e co que colabora a Deputación.
Ademais, o deputado de Promoción Económica e Social, Pablo Rivera, e o vicepresidente Efrén Castro presentaron, pola súa banda, xunto a representantes da Asociación Deportiva Cultural de Fonsagrada a nova edicion da ruta de ciclismo de montaña que reunirá o 30 de setembro a afeccionados de Galicia, Asturias, Castela e León, País Vasco e Madrid.
