InicioCulturaA rapazada lucense celebra a gran festa do Correlingua co ánimo de...

A rapazada lucense celebra a gran festa do Correlingua co ánimo de “seguir falando galego”

A Deputación de Lugo trasladou ao alumnado "a importancia do seu compromiso co uso do galego" e agradeceu ao profesorado a súa colaboración.

PUBLICADA O

- Advertisement -

A vicepresidenta da Deputación de Lugo Maite Ferreiro asistiu este mediodía á festa do Correlingua, que reuniu no Auditorio Municipal Gustavo Freire de Lugo máis de 400 alumnas e alumnos de centros educativos do CEE Santa María, do IES Ánxel Fole, do IES Sanxillao e do IES NªSª dos Ollos Grandes de Lugo, do CPI de Cervantes, do CPI Poeta Uxío Novoneyra (Folgoso do Courel), do CPI Virxe do Monte (Cospeito), do CPI Luís Díaz Moreno (Baralla) e do EEI Xela Arias (Sarria).

Unha xornada festiva, con humor e música en galego, a cargo do cómico Fran Rei e da banda Pauliña, coa que concluíu o programa do Correlingua 2022, que contou un ano máis coa colaboración da Vicepresidencia da Deputación de Lugo. Na liña do manifesto que aglutinou as actividades e festas desta edición, co lema “Fálame”, Maite Ferreiro trasladou á rapazada “a importancia do seu compromiso co uso do galego e animouna a seguir falando unha lingua que nos permite entendernos con millóns de persoas en todo o mundo”. Tamén agradeceu “a colaboración do profesorado para celebra esta gran festa da lingua”.

Organizado pola Asociación Correlingua, coa participación da Mesa pola Normalización Linguística e a Asociación Socio-Pedagóxica Galega, o Correlingua propuxo desde o pasado maio diferentes actividades para dinamizar o uso da lingua na comunidade educativa, levando concertos, obradoiros, regueifas e outras actividades lúdicas a centros escolares e diferentes espazos públicos de todo o país. A outra gran festa na provincia celebrouse o pasado 5 de outubro, en Viveiro, coa participación de centros da comarca da Mariña.

ÚLTIMAS

Cae parte do teito do Xulgado do Social número 4 de Lugo, o que obriga á recolocación de traballadores e a xuíza

A xuíza decana dos Xulgados de Lugo, Olalla Díaz Sánchez, ordenou o peche provisional do...

José Tomé: “A elección de Miguel Fernández foi consensuada. Quedou asinada. Foi un proceso totalmente lucense”

Xa vexo que tes moitos papeis enriba da mesa. E iso?  (Ri) Depende de por...

Catro anos de internamento para un mozo por agredir sexualmente a un neno de 8 anos en Lugo

Un mozo foi condenado polo Xulgado de Menores de Lugo a catro anos de internamento en...

O proxecto Renace de Lugo: buscando as claves da boa xenética dos centenarios galegos

O proxecto Renace (Rexistro Nacional de Centenarios de España), que se impulsa desde Lugo, estuda...